عاجل

ننشر نص تسريبات الفريق أحمد شفيق حول ترشح السيسى للرئاسة

تنشر اخر الانباء النص الكامل للتسريبات التى نشرتها شبكة رصد للفريق أحمد شفيق والتى تحدث فيها عن موقفة من ترشح المشير السيسى للانتخابات الرئاسية المقبلة. وجاء فى التسجيل الأول :"آه ياني .. وأما الساحة تفضى ليه .. أحسن.. مش أحسن يعني منظر سيء آه منظر ليس له سابقة يعني يعني جهل غريب جدا. هوه نفسه وقف قبليها في مؤتمر كده قال أنا مش حترشح غير لو الشعب رشحني والجيش رشحني..برضه كلام غريب جدا يعني يعني كلام صادر منه هو من الأول غلط.. يعني فيه حاجة اسمها الجيش.. يعني ما ..يعني جهل غريب بالأمر شويه.. الجيش يرشحني وبعدين يطلع الجيش يرشحه ويعملوا اجتماع يطلع في الصور عشان يرشحوه قلة خبرة غريبة جدا الحقيقية..مصيبة كمان قال المجلس العسكري ده شيء يعني مش عارف يعني ... أنا بنفسي طلعت نفسي من الدايرة دي لأنها حتبقى مهزلة شوية”. أما التسجيل الثانى فقال فيه:"لأ طبعا انسحابهم هوه مش كلهم على كل حال. طبعا انسحابهم مرهون بترشيح السيسي.. أنا قلت إيه لو نزل انتخابات مش حانزل. مش مجرد ترشيحه.. يعني أول ما يترشح.. أنا حاعمل الورق بتاعي وحيبقى مرهون.. إذا هوه حينزل.. لأني أعلم إنه هوه حيوضبوله كل الصناديق.. حيوضبوله الدنيا.. عملية عملية حتبقى هزلية.. وهيه من الأول خالص من الأول ما الجيش أعلن ترشحيه مكنش يعني.. أنا أعتقد إنه يمكن لو جاله ضغط يعني يخلي.. يعني يلفت نظر العالم لـ.. إنه هو الواحد ما يترشحش مش محبه فيه.. لأ لأنه الميكانيزم مش حيمشي سليم.". وتابع:"إيه أواجه إيه.. اللي هيه لو معركة حواجه ..إيه العبط اللي بيقولوا ده.. إيه الناس السطحية دي.. حاجة الدولة حتشتغل لحسابه.. الدولة حتشتغل لحسابه. إيه المواجهة؟ المواجهة إنه أنا الشطارة إنه أخش وأجيب 10% وأطلع؟ الشطارة أخش وأجيب 8% وأطلع؟ إيه الشطارة في كده بقى؟ إذا كنت أنا عارف إيه اللي حيطلع.. إذا كانت مواجهتي ححتعمل نتيجة ماشي لكن العملية ملعوب فيها ملعوب فيها كلها يبقى إيه بقى!.. لا يعني طبعا. إيه الرجولة اللي فيها يعني؟ هيه دي "فير فايت"؟ هل هيه يعني معركة شريفة؟". وجاء فى التسريب الثالث حول الكاتب الصحفى مصطقى بكرى قال فيه:"أما بكري.. مصطفى بكرى يقول كده..حنشيل بكرسيه ونحطه على الكرسي.. قالك كده اللي حيغلب حيغلب وأدي احنا ناخد نستفيد حاجه جمبه كده مش ... وتهاني الجبالي مثال للتكسب.. وهكذا.. وهكذا ... مسخرة.. الأيام الجاية فيها لسها كتير.. وأدي المستويات بتاع الوزرة والوزارة اللي بيديروا مصر". كان الفريق شفيق قد أكد أن هذه التسريبات تخصه بالفعل فى بيان رسمى لحزبه الحركة الوطنية.